ზეინაბ ლომაშვილი - დირექტორთა საბჭოს წევრი / დირექტორი. 2019 წლის დეკემბერში დაინიშნა ბანკის დირექტორად. სათავეში უდგას საკრედიტო და ზოგადი რისკების, ქომფლაენსისა და AML-ის, ადამიანური რესურსების და იურიდიულ განყოფილებებს. ბანკში 2000 წლიდან მუშაობს, დირექტორად დანიშვნამდე იგი კოორდინირებას უწევდა ბანკის ბიზნეს-მიმართულების განვითარებას, ასევე წლების განმავლობაში იკავებდა მმართველის პოზიციას პროკრედიტ ბანკის არაერთ ფილიალში, იყო საკრედიტო მენეჯერი, უფროსი კრედიტ ოფიცერი და კრედიტ ოფიცერი. ზეინაბ ლომაშვილმა 2011 წელს დაამთავრა პროკრედიტ ჯგუფის რეგიონალური აკადემია (ჩრდილოეთ მაკედონია), ხოლო 2015 წელს პროკრედიტ ჯგუფის მენეჯმენტის აკადემია (ფიურტი, გერმანია).
2021 წლის დეკემბრიდან, ზეინაბ ლომაშვილი იკავებს პროკრედიტ ბანკი რუმინეთის სამეთვალყურეო საბჭოს წევრის თანამდებობას.

ელენე ცინცაძე - დირექტორთა საბჭოს წევრი / დირექტორი. 2023 წლის დეკემბერში დაინიშნა ბანკის დირექტორად. 2024 წლის იანვრიდან დაინიშნა დირექტორთა საბჭოს წევრად. სათავეში უდგას ფინანსების, საბუღალტრო აღრიცხვისა და ანგარიშგების, ფინანსური ანალიზისა და ბიუჯეტირების, ადმინისტრაციის, საკორესპონდენტო ურთიერთობების და ცენტრალიზებული ბექ ოფისის განყოფილებებს. პროკრედიტ ბანკში მუშაობს 2020 წლიდან. დირექტორად დანიშვნამდე იგი იკავებდა ფინანსების განყოფილების უფროსის პოზიციას და 2021 წელს სამუშაო გამოცდილება აქვს პროკრედიტ ჰოლდინგში (ფრანკფურტი, გერმანია) ფინანსების მიმართულებით. ელენე ცინცაძეს აქვს 13 წელზე მეტ ხნიანი გამოცდილება ფინანსების მიმართულებით, მათ შორის საბანკო სექტორში, სადაზღვევო სექტორში, ენერგეტიკის სექტორში და სხვა.
ელენე ცინცაძეს 2011 წელს მიღებული აქვს ქართულ ამერიკული უნივერსიტეტის ბაკალავრის ხარისხი ფინანსები განხრით, 2014 წელს ილიას სახელმწიფო უნივერსიტეტის ბიზნესს ადმინისტრირების მაგისტრის ხარისხი, 2016 წელს ჩაბარებული აქვს CFA level 1 გამოცდა (პარიზი, საფრანგეთი). 2022 წლიდან იგი სწავლობს პროკრედიტ ბანკის მენჯემენტის აკადემიაში (ფიურტი, გერმანია).

ქეთევან ბურდული - დირექტორთა საბჭოს წევრი/დირექტორი. 2024 წლის მარტიდან დაინიშნა ბანკის დირექტორად და დირექტორთა საბჭოს წევრად. სათავეში უდგას საცალო ბანკინგის, ციფრული არხების განვითარების, პროექტების მართვისა და ბიზნესის მხარდაჭერის, მარკეტინგის და საინფორმაციო ტექნოლოგიების განყოფილებებს.
მას აქვს საფინანსო სფეროში მუშაობის 20 წლიანი გამოცდილება ადგილობრივ და საერთაშორისო კომპანიებში. ქეთევან ბურდულმა აღნიშნულ სფეროში მუშაობა პროკრედიტ ბანკიდან, 2004 წელს დაიწყო და იკავებდა სხვადასხვა პოზიციებს საცალო, თუ კორპორატიული ბიზნესის მიმართულებით. 2010 წლიდან იგი დაინიშნა ბიზნეს განყოფილების უფროსად, ხოლო 2012-დან 2014 წლამდე იგი იყო ბანკის მენეჯმენტის წევრი და ხელმძღვანელობდა მიკრო, მცირე, საშუალო, კორპორატიულ და ინსტიტუციონალურ ბიზნეს მიმართულებებს და ფილიალების ქსელს.
2014-დან 2024 წლამდე იგი მუშაობდა ადგილობრივ და საერთაშორისო საფინანსო, საინვესტიციო და საკონსულტაციო კომპანიებში, რეორგანიზაცია/რექსტრუქტურიზაციის, სტრატეგიული პროექტების, კორპორატიული და საცალო ბიზნესის განვითარების მიმართულებით და იკავებდა უფროსი საოპერაციო ოფიცრის, უფროსი ბიზნეს ოფიცრის, უფროსი ბანკირისა და უფროსი საინვესტიციო ოფიცრის პოზიციებს.
ქეთევან ბურდულს მიღებული აქვს მაგისტრის ხარისხი ბიზნესის ადმინისტრირებაში ქართულ ამერიკული უნივერსიტეტში და ბაკალავრის ხარისხი საერთაშორისო ეკონომიურ ურთიერთობებში თბილისის სახელმწიფო უნივერსიტეტში. მან 2008 წელს დაამთავრა პროკრედიტ ბანკის რეგიონალური აკადემია (ჩრდილოეთ მაკედონია) და 2013 წელს კი - პროკრედიტი ჯგუფის მენეჯმენტის აკადემია (ფიურტი, გერმანია).