Google Wallet-ის გამოყენებისას, თქვენი ბარათები და ტრანზაქციები თქვენს Google-ის ანგარიშზე ინახება. ნებისმიერ დროს შეგიძლიათ შეცვალოთ შენახული ბარათები ან ტრანზაქციები და მართოთ კონფიდენციალურობის პარამეტრები. დამატებითი ინფორმაცია იხილეთ აქ.

Google Wallet ტოკენებს იყენებს. ტოკენი არის თქვენი რეალური ანგარიშის ნომრისთვის განკუთვნილი ერთგვარი დროებითი ალტერნატიული სახელი, რომლის მიზანია თქვენი ანგარიშის ინფორმაციის უსაფრთხოდ შენახვა. ტოკენი იქმნება, როდესაც ბარათს დაამატებთ Google Pay აპლიკაციაში ან თქვენი ბანკის აპლიკაციაში. უკონტაქტო გადახდების განხორციელებისას, სავაჭრო ობიექტთან იგზავნება თქვენი ტოკენიზებული ანგარიშის ნომერი, რეალური ანგარიშის ნომრის ნაცვლად. ჩვენ ვითხოვთ ეკრანის დაბლოკვას. უმეტეს ქვეყნებში, შეგიძლიათ მცირე გადახდები დაბლოკილი მოწყობილობით განახორციელოთ, მაგრამ შედარებით დიდი ან მრავალჯერადი მცირე გადახდებისთვის, ჩვენ ვითხოვთ ტელეფონის განბლოკვას. ეს დაგეხმარებათ თაღლითობის თავიდან აცილებაში, ტელეფონის დაკარგვის ან მოპარვის შემთხვევაში.

თქვენს Google ანგარიშს ჩაშენებული უსაფრთხოების სისტემა აქვს, რომელიც ისეთი საფრთხეების აღმოსაჩენად და დასაბლოკად არის შექმნილი, როგორიცაა სპამი, ვირუსები. ამ ჩაშენებული უსაფრთხოების სისტემის წყალობით, თქვენს Google ანგარიშზე შენახული Google Wallet-ის მონაცემები უკეთესად დაცულია არაავტორიზებული წვდომისგან.

• უსაფრთხოებისა და კონფიდენციალურობის სისტემა Google Wallet-ის ყველა ნაწილშია ჩაშენებული.
• ჩვენ არ ვყიდით თქვენს ინფორმაციას მესამე პირებზე.
• ჩვენ არ ვასაჯაროებთ თქვენი ტრანზაქციის ისტორიას Google-ში რეკლამის მიზნებისთვის.
• თქვენ გაქვთ არჩევანის საშუალება, კონტროლის მექანიზმი და გამჭვირვალობა, როცა საქმე თქვენს კონფიდენციალურობას ეხება.
• ჩვენ გთავაზობთ დეტალიზებულ პარამეტრებს, თქვენზე მორგებული კონფიდენციალურობის უზრუნველსაყოფად.